Զաքարյան Էռնեստ Շմավոնի
Մանկավարժ- ֆիզիկոս, էլեկտրոնային տեխնիկայի ինժեներ, տեխնիկական գիտությունների թեկնածու:
Ծնվել է 1949 թվականի սեպտեմբերի 25 -ին Գորիս քաղաքում: Հայրը ֆիզիկայի ուսուցիչ էր, իսկ մայրը`գրադարանավարուհի: 1956-1961թթ. սովորել է Գորիս քաղաքի Ա.Բակունցի անվան միջն. դպրոցում: Այնուհետև տեղափոխվել և ավարտել է թիվ 2 միջն. դպրոցը: 1967-ին ընդունվել է և 1971թ-ին ավարտել է Երևանի Խ.Աբովյանի անվան մանկավարժական ինստիտուտի Գորիսի մասնաճյուղի ֆիզիկայի ֆակուլտետը: Նույն տարում աշխատանքի է ընդունվել Երևանի մաթեմատիկական մեքենաների գիտահետազոտական ինստիտուտում: "ՆԱԻՐԻ" փոքր մաթեմատիկական հաշվիչ մեքենաների նախագծային աշխատանքները իրականացնող բաժանմուքում, նա նախ եղել է ինժեներ, ապա զբաղեցրել է լաբորատոիայի վարիչի պաշտոնը: 1980-1983 ին ընդունվել և ավարտել է նույն ինստիտուտի ասպիրանտուրան : 1984թ-ին պաշտպանել է թեկնածուական թեզ, որը նվիրված է եղել փոքր հաշվիչ մեքենաների արտադրողականության բարձրացման միջոցնրի հետազոտմանն ու դրանց նախագծման արդյունավետությանը: Ուսումնասիրության արդյունքները օգտագործվել էն "ՆԱԻՐԻ 4" մեքենայի նախագծման աշխատանքներում, որտեղ նա համահեղինակ է:
1988թ-ին նշանակվել է "ՎԱԼՆԱ" գիտահետազոտական ինստիտուի
գիտական գծով փոխտնօրեն, որտեղ ղեկավարել է ռազմական առանձին ինքնաթիռների նավիգացիոն համակարգերի որոշ հանգույցների նախագծման աշխատանքները: 1992-1999 -ին աշխատել է ԱԴՍ "ԱՐՄԵՆՅԱ" որպես
գիտատեխնիկական հարցերի գծով տնօրեն:
Հեղինակ է 24 գիտական աշխատանքների և հեղինակային իրավունքների:
Կինը` Նունե Հովհաննիսյան, կենսաքիմիկոս է:
Երեխաները` Նարեկ, մասնագիտությամբ ճարտարապետ է, Գրիգոր` տնտեսագետ:
Բնակվում է Երևան քաղաքում: