Ես՝ Սվետլանա Ժորայի Բաղդագյուլյանս, ծնվել եմ 1948 թ. հուլիսի 28-ին Գորիս քաղաքում: 1966 թ. ավարտել եմ թիվ 2 միջն. դպրոցը:
1970 թ. ավարտել եմ Երևանի Թամանյանի անվան շինարարական տեխնիկումի «Քաղաքացիական և արդյունաբերական շինարարություն» բաժինը:
1970 թ. ամուսնացել և տեղափոխվել եմ Թուրքմենիայի Աշխաբադ քաղաքը, որտեղ աշխատել եմ «Թուրքմենօրգտեխստրոյ» տրեստում որպես ինժեներ: Գորիս տեղափոխվելուց հետո 1976 թ.-ից առ այսօր աշխատում եմ Ավտոնորոգման գործարանում նախ որպես տնտեսագետ, իսկ 1988 թ.-ից՝ գլխավոր հաշվապահ: 1979-81 թ.թ. հեռակա կարգով սովորել և գերազանցությամբ ավարտել եմ Գորիսի շրջանի Խ.Երիցյանի անվան սովխոզ-տեխնիկումի «Հաշվապահական հաշվառումը գյուղարտադրության մեջ» բաժինը: 1997-2003 թ.թ. աշխատել եմ «ԲԷՑ» և «ՀԷՑ» էլ. ցանցեր Գորիսի մասնաճյուղում որպես գլխ. հաշվապահ: 2004 թ. ստեղծել եմ փոքրիկ մի համակարգչային ծրագիր, որը հնարավորություն է տալիս միաժամանակ աշխատել մի քանի ձեռնարկություններում:
Ամուսինս՝ Էդիկ Միխայելի Մաշուրյանը, ծնված 1945 թ. Գորիս քաղաքում, 1963 թ. ավարտել է թիվ 1 միջն. դպրոցը, որից հետո ընդունվել և 1970 թ. ավարտել է Աշխաբադի Պոլիտեխնիկական ինստիտուտը: 1970 թ.-ից մինչև Գորիս տեղափոխվելը աշխատել է «Աշխաբադշին» տրեստում որպես տնտեսագիտական բաժնի վարիչ: Գորիս տեղափոխվելուց հետո աշխատել է թիվ 2 շին. վարչությունում և թիվ 9 շարժական մեքենայացված շարասյունում: Մահացել է 1995 թ.-ին:
Ունեմ 2 երեխա՝ տղա և աղջիկ:
Տղաս՝ Արմանը ավարտել է Երևանի Կոոպերատիվ տեխնիկումը, ապա Գորիսի «Սյունիք» ինստիտուտի իրավաբանական ֆակուլտետի «Իրավագիտություն» բաժինը: Այժմ գործարար է:
Աղջիկս՝ Գայանեն ավարտել է Սարատովի Պետական բժշկական համալսարանի «Մանկաբուժություն» բաժինը: Աշխատում է որպես բժշկուհի-դիմահարդար:
Ունեմ 4 թոռ:
Մեծ թոռս՝ Աննան, մի շարք օլիմպիադաների հաղթող է, դաշնամուրային փառատոնի դափնեկիր, իսկ 2003 թ.-ին Սարատովի գեղեցկուհիների մրցույթի հաղթող: Նրա եղբայրը՝ Դավիթը, Համառուսաստանյան պարահանդեսային պարերի մրցույթում շահել է ոսկե մեդալ:
Տղայիս աղջիկը՝ Էդիտան, նույնպես օլիմպիադաների հաղթող է և պատրաստվում է բժշկուհի դառնալ: Նրա եղբայրը՝ Արտյոմը, արդեն շախմատի գծով մի շարք հաջողությունների է հասել:
